आज भोलि देशै रुने कयौँ घटना छन् |
कतै देश स्वर्ग बन्छ भन्ने सपना छन् ||

————————–

जन्मभूमि फर्किन सहज नभए पनि |
परदेशीको मनमा देशकै सम्झना छन् ||

शनिबारका कुरा
*************
जिन्दगी र जीवनमा फरक धेरै हुन्छन्
गन्तव्यमा पुग्नलाई सडक धेरै हुन्छन्
:::::::::::::::
यात्रा कहाँ सम्म हुने, तय कहाँ हुने हो
मूलबाटोमा भेट अचानक धेरै हुन्छन्
::::::::::::::::

बूढापाका भन्छन्, सुतेको बाघ नचलाउनु
बालुवाको मात्र घर हुँदैन,पसिना नबगाउनु
:::::::::: ::::::::::: ::::::::::
पाईन्न फल सोचेको,कालो मनले देव धाई
स्वार्थी मन राखेर मन्दिरमा,फूल नचढाउनु

जिन्दगी भरलाई  माया लाइदेउ न प्रिया
मनको दरवार खालि छ आइदेउ न प्रिया
जिन्दगी भरलाई  माया लाइदेउ न प्रिया

कोहि बिना पैसा रमाउदा टाढिए
कोहि थोरै थोरै कमाउदा टाढिए

रगत पसिना बगाई बाटो छेवैमा
एउटा सानो घर बनाउदा टाढिए

एक सानो उपहार दिनु छ तिमीलाई
मुटु भित्रको प्यार दिनु छ तिमीलाई

अझै पनि भरोसा नगरे जस्तो गर्छौ
बिश्वासको आधार दिनु छ तिमीलाई

मलाई सम्झिदै तिमी रुनुको अर्थ के
आँशु सरीको मुहार नधुनुको अर्थ के

भेट हुँदा मूलबाटोमा छोडी भागे पनि
सधै लुकी मेरो फोटो चुम्नुको अर्थ के

र हतार हतारको पहिचानमा गल्ति भयो
भन्दैछिन  उनि त अन्जानमा गल्ति भयो

मुटुकै माया दिएको हुँ कसम खाएर भनि
समर्पण सहितको बलिदानमा गल्ति भयो

आज उसको बेखबरमा छ समाज
हजारौ हल्लाको भरमा छ समाज

यकिनमा कसले समय गुजार्ला खै
यस्तै अन्दाजी सरदरमा छ समाज

सधै राम्रो राखेस बाबु बानि भन्नु हुन्छ
सुखी रहोस तिम्रो जिन्दगानी भन्नु हुन्छ

म कहिल्यौ जवान भइन वहाँको नजरमा
अझै पनि आमा मलाई नानी भन्नु हुन्छ